اخبارحلب
اخبار ميدانية و عسكرية و محلية من مدينة حلب و كامل المدن السورية

الى طلاب جامعة حلب .. عملية نصب جديدة احذروا منها

0

انتشر على عدة مواقع و صفحات توضيح حول عملية نصب جديدة يتعرضون لها طلاب الجامعة بمدينة حلب 

وقد نشر هذا الكلام حرفياً دون معالجة للهجة العامية به لسهولة الوصول للجميع: 

في مجموعة من الشباب الجامعيين عم يروجو ضمن طلاب الجامعة لفرصة عمل بأسلوب مدروس وطريقة عم تخلي الشباب يتورطوا بهيك شغل مستغلين العوز المادي اللي عم يعيشوه

أهالي سوريا عموما وحلب خصوصا وكحسن نية رح نعتبر الشباب المروجين هم أيضاً مخدوعين ..

بتمنى قراءة البوست كاملا

عم تنعمل بشكل شبه يومي بإحدى كافيات حلب محاضرات تعريفية عن العمل والآلية عبتكون أنو عم يتم إخبار 7-8 أشخاص ودعوتهم لهالمحاضرة ..

عنوان المحاضرة هو (التسويق المباشر).. والمحتوى عبارة عن مزيج من (التنمية البشرية) و مصطلحات متفرقة من

(الاقتصاد والتسويق) اضافة لكتير من (العمليات الحسابية)..

.

اهم النقط باختصار كانت (ع حسب كلامهن طبعا):

راس المال 20,000 الف ليرة.. الربح المتوقع 10 مليون ليرة سنويا!! ..  العمل سهل جدا ومريح.. ما في مدير وانما “موجه”.. العمل قانوني ومرخص واله سجل تجاري حتى

على مين وشلون يتاكد!) ..الشركة طلع الها اهداف قومية ووطنية واقتصادية وحتى ثقافية! ..

.

للاسف تحت كل هالاحلام الوردية والاسلوب اللي كان بطريقة توحي بالموضوعية والعلمية.. فالشغلة عبارة عن احتيال مادي وخدعة مالية قديمة معروفة باسم #مخطط_الهرم #Pyramid_Scheme

.

مخطط الهرم باختصار:

بتشتري سلعة معينة (مو مهم شو هي بس غالبا ما كتير بتلزمك) بقيمة 20,000 الف مثلا.. (يعني عمليا انت خسرت 20,000 الف مبدئيا)

بعدها بدك تقنع شخصين انو يشتروها كمان ويسوقوا الها.. وبتربح من كل شخص اشتراها بسببك 500 ليرة (بدك 40 شخص لحتى تطلع صافي دون ربح او خسارة.. او 400 شخص

لحتى تربح 200,000 بالنهاية).. وفي حد معين بعده ما بتربح..

المشكلة انو شغلة تدبر كل هالعدد من الاشخاص رح تكون اصعب بكتير من ما تتخيل (متوالية هندسية).. لانو رح يكون في ناس غيرك كتير عم يشتغلو ع نفس الشي..

وانت ببساطة ما لك بقمة الهرم.. يعني ما رح تلاقي ناس تبيعهن.. او اللي رح تبيعهن ما رح يلاقوا حدا يشتري منهن..

مو بس هيك.. لنفرض انت سبقت الكل ودبرت اشخاص وربحت مبلغ 100,000 مثلا (وهالشي عمليا صعب جدا).. وقتها دتكون خسرت ثقة الناس فيك وصرت بنظرهن محتال..

لانو هنن ما رح يحسنوا يوصلوا للمبلغ اللي عم تجمعه انت (هي اذا ما طلعت خسران وهو الاحتمال الاقوى لانو غالبا انو انت بنص او اخر الهرم ورح يكون صعب كتير عليك تدبر

ناس تبيعهن المنتج)..

مشكلة طريقة الهرم انو اللي بيستفيدوا هنن بس اللي ع راس الهرم.. والناس بتعود بتفقد ثقتها ببعض.. ويمكن ما تصدقوا بس صار انو مرة هالخدعة كانت عامل اساسي لقيام

حرب اهلية (البانيا 1997)

وقد اكد عدد من المتابعين انهم تعرضو لذات عملية النصب وهذه ردودهم كما ترون بالصور: 

يذكر انه منذ 10 اعوام قد انتشرت هذه الظاهرة بإسم شركة ماليزية لمليونير وهمي تم القاء القبض على ممولين الفكرة و داعميها عام 2007 .

اترك رد

لن يتم نشر عنوان بريدك الإلكتروني.