اخبارحلب
اخبار ميدانية و عسكرية و محلية من مدينة حلب و كامل المدن السورية

آخر خبر .. زوجة فنان سوري مطلوبة لخدمة العلم .. واليكم السبب !!

0

 

نشرت الكاتبة عنود الخالد زوجة الفنان عباس النوري على صفحتها الخاصة على الفيس بوك قصة غريبة حصلت معها حيث كتبت:


“حدث معي

عندي خمس اخوات اكبر مني الله يخليلي ياهم و انا السادسة و اصغر حدى بالعيلة

نحنا تلت شباب و تلت بنات

اخواتي الخمسة اللي اكبر مني أسمائهم طبيعية

الا انا 

ما بعرف شو خطر لأهلي يسموني عنود

كل عمري عندي إشارة استفهام على اسمي

و اليوم إجاني جواب الاستفهام

لما مديرية التجنيد افترضت انو مافي حدى اسمو عنود

و اعتبرت في غلط مطبعي

و غيروا مكان النقطة من فوق لتحت

و قرروا انو اسمي عبود

و دون الرجوع للنفوس

اعتبروا اني ذكر

و طلع في مذكرة بحث بحقي لتخلفي عن اداء خدمة الجيش

و هاد الحكي مو مزح

هاد حقيقة

اليوم اكتشفتها لما لزمتني ورقة لا حكم عليه

ما رضيوا يعطوني الورقة

غير لحتى سوي وضعي مع التجنيد

قلتلو للموظف المسؤول 

والله انا أنثى مو ذكر و ما عليي عسكرية

قالي بعرف بس مع ذلك لازم تروحي تسوي وضعك بالتجنيد و يكفوا البحث عنك

بعدين بتاخدي ورقة لاحكم عليه

خايفة روح و يدفعوني بدل 

او يفرزوني على شي حاجز او جبهة

شو بتنصحوني  اخدم على أساس البكالوريا او الجامعة او التاسع ؟؟؟”

 

من جهة أخرى تحضر الكاتبة عنود عملها الدرامي “زعلي طول” الذي كتبت نصه بعد أعمال عدة حققت نجاح ملفت منها  “حرائر”، و”طالع الفضة” و”اولاد القيمرية”.

 

وفي حديث خاص لموقع الجديد حول مسلسل “زعلي طول” قالت عنود ” لم أدخل في تفاصيل الحرب التي تعيشها سوريا وانما سلطت الضوء على انعكاسات هذه الحرب على الناس، وكيف غيرت نفسياتهم وبدلت معيشهم بعد الغلاء الفاحش والخوف من القذائف والموت الذي يحيط بهم”.

 

أخيرا أكدت عنود أن الفنان عباس النوري هو من سيلعب بطولة العمل في حين تعتبر الفنانة سلافة معمار من الأسماء المرشحة لأداء البطولة النسائية


قناة الجديد

اترك رد

لن يتم نشر عنوان بريدك الإلكتروني.